სანდრო გირგვლიანს და ირინა ენუქიძეს ვპირდები, რომ 15 სექტემბერს ამ ქვეყანაში დაიწყება კოჰაბიტაციის დასასრულის დასაწყისი, - ამის შესახებ პროფკავშირების თავმჯდომარეობის კანდიდატმა დათო ოქიტაშვილმა განაცხადა.

დავით ოქიტაშვილი პროფკავშირების თავმჯდომარეს, ირაკლი პეტრიაშვილს გირგვლიანის მკვლელებთან კავშირში ადანაშაულებს და აცხადებს, რომ ის ამ ადამიანს "აპრავებდა".

ოქიტაშვილი პროკურატურას თხოვნით მიმართავს, შევიდეს პროფკავშირებში და დაინტერესდეს 2005-2012 წლებში რა პოლიტიკას ატარებდა პროფკავშირების თავმჯდომარე ირაკლი პეტრიაშვილი.

15 სექტემბერს გაერთიანებული პროფკავშირების თავმჯდომარის არჩევნები გაიმართება.

მისი თქმით, პეტრიაშვილის თავმჯდომარეობის პერიოდში გაძარცვულია და მიტაცებულია მილიონიანი ქონება.

"თუ ეს ადამიანი არ იქნება დასჯილი, მაშინ ცუდი ეჭვები გაჩნდება. ჩვენ გავამზადეთ მიმართვის ტექსტი ევროპის და მსოფლიო პროფესიული კავშირებისთვის და ვუსვამთ ასეთ კითხვას, რომ სირცხვილია მათ რიგებში კრიმინალური ავტორიტეტები ირიცხებოდნენ მათ რიგებში. სანდრო გირგვლიანს და ირინა ენუქიძეს ვპირდები, რომ 15 სექტემბერი იქნება ამ ქვეყანაში კოჰაბიტაციის დასაწყისის დასასრული. პეტრიაშვილი იყო ადამიანი, რომელიც შედიოდა ციხეში და აპრავებდა მკვლელებს. არსებობს დოკუმენტური მასალა და მალე ის ადამიანი, რომელიც საუბრობდა ამ თემაზე ზურგსუკან, მალე შემობრუნდება და სახით მოჰყვება იმ ამბავს, რისი მოწმეც თავად გახდა", - აცხადებს ოქიტაშვილი.

როგორც ოქიტაშვილი აცხადებს, არჩევნების გზით გეგმავს ირაკლი პეტრიაშვილის დამარცხებას.

15 სექტემბერს გაერთიანებული პროფკავშირების თავმჯდომარის არჩევნები გაიმართება.