სექტემბერი 5, 2017
243
ინტენსიურ რეჟიმში გრძელდება ხანძარსაწინააღმდეგო ღონისძიებები კახეთში. სოფელ ართანასთან სტიქიასთან ბრძოლაში დილიდან შინაგან საქმეთა სამინისტროს კიდევ 400 თანამშრომელი ჩაერთო. რთული რელიეფის გამო, ხმელეთზე ცეცხლს მხოლოდ ცოცხალი ძალა ებრძვის. ხანძრის კერებამდე მძიმე ტექნიკის მიყვანა ვერ ხერხდება.
დილიდან ხანძრის ძირითადი კერების ლოკალიზებას ცდილობს ავიაციაც. სტიქიასთან ბრძოლას ქარი ართულებს.
ხანძრის ჩაქრობა ვერ ხერხდება თუშეთშიც. ხახაბოს ტყეში ცეცხლი 10 ჰექტარი ფართობის ტერიტორიაზეა გავრცელებული. სამუშაოებში ჩართულია სასაზღვრო პოლიციის ვერტმფრენი.
ადგილზე მუშაობენ მეხანძრე-მაშველები და ადგილობრივი მოსახლეობა.
ნოდარ ჩაჩუა გვერთვება პირდაპირ ეთერში.
მაჩვენე მეტი