"სტარტაპ საქართველოს" 6 გამარჯვებული პროექტის პრეზენტაცია გამართა „საპარტნიორო ფონდმა“ სტარტაპების ხელშეწყობის პროგრამის ფარგლებში, ფუნქციონირებას დაიწყებს ხელოვნური საფრენი აპარატების საწარმო.
კომპანია საწყის ეტაპზე აქცენტს სპორტულ და სამოყვარულო დრონების წარმოებაზე გააკეთებს, რომელიც ძირითადად ადგილობრივი ბაზრისთვის იქნება გათვლილი, თუმცა ეტაპობრივად პროდუქციის ექსპორტიც განხორციელდება.
საპარტნიორო ფონდის "სტარტაპ საქართველოს" კიდევ ერთი გამორჩეული პროექტი პოლისტიროლ-ბეტონის ლეგო -ბლოკის წარმოებაა, რომლის გამოყენებაც შესაძლებელია მშენებლობებში.
ასევე მნიშვნელოვანი პროექტია უცხოელი ვიზიტორებისთვის ჰოლოგრამული მუზეუმი თბილისის ტურისტულ ზონაში, რომლის საშუალებითაც დამთვალიერებელს შესაძლებლობა ექნება საქართველოს სხვადასხვა ღირსშესანიშნაობები ინტერაქტიული და ფოტორეალისტური ჰოლოგრამული მოდელების დახმარებით იხილოს.