პეკინის ქუჩის რეაბილიტაციის დასკვნითი ეტაპი. დილის 8 საათიდან, ასფალტის ზედა ფენის დაგების მიზნით, მოძრაობა შეზღუდულია.
კერძოდ, საავტომობილო მოძრაობა აკრძალულია ანა კალანდაძის ქუჩიდან ცინცაძის ქუჩამდე. საზოგადოებრივი ტრანსპორტი შემდეგი სქემით იმოძრავებს: ვაჟა ფშაველას გამზირიდან ბექას ქუჩით ყაზბეგის გამზირზე მოძრავ ნაკადს შეუერთდება, შეუხვევს ჯერ გამრეკელის, ხოლო შემდეგ ცინცაძის ქუჩაზე, საიდანაც პეკინის ქუჩის გავლით, მარჯვნივ - 26 მაისის მოედნისკენ განაგრძობს გადაადგილებას.
დღეს 23:00 საათიდან 6 სექტემბრის დილის 07:00 საათამდე ტრანსპორტის მოძრაობა შეიზღუდება ცინცაძე-პეკინი-ჭაბუკიანის ქუჩების გზაჯვარედინზე. პეკინის ქუჩიდან გმირთა მოედნის მიმართულებით გადაადგილებისას ტრანსპორტი შეუხვევს ბახტრიონის ქუჩაზე, საიდანაც ამირეჯიბის გზატკეცილით გმირთა მოედანს დაუკავშირდება.