ოთარ აბესაძის საქმის წინასასამართლო სხდომა დღეს განახლდება. პროცესი სასამართლოში გუშინ იყო ჩანიშნული, თუმცა ის მერიის ყოფილი თანამშრომლის ჯანმრთელობის მდგომარეობის გამო გადაიდო.
ადვოკატ ლილი გელაშვილის განმარტებით, სხდომის გადადება თავად ბრალდებულმა მოითხოვა. მისი თქმით, ოთარ აბესაძე მაშინ გახდა ცუდად, როდესაც ბრალდების მხარემ მტკიცებულებები წარადგინა.
გუშინდელ წინასასამართლო სხდომაზე აბესაძის ადვოკატებმა სხდომის დახურვის შუამდგომლობა დააყენეს, მიზეზად დაცვის მხარის მიერ წარმოსადგენი მასალები დასახელდა, რომელიც ბრალდებულის პირად ინფორმაციას შეიცავს.
მოსამართლემ ადვოკატების შუამდგომლობა დააკმაყოფილა.
დღევანდელ სხდომაზე, რომელიც 3 საათზე განახლდება, დაცვის მხარე აღკვეთის ღონისძიების -პატიმრობის გირაოთი შეცვლაზე შუამდგომლობის დაყენებას გეგმავს.