„ქართული ოცნების“ გაცხადებული პოლიტიკა თვითმმართველობების დაფინანსებას ამცირებს",-ამის შესახებ განცხადება "შენების მოძრაობის" თბილისის მერობის კანდიდატმა გააკეთა.

თენგიზ შერგელაშვილი გამოეხმაურა პრემიერ- მინისტრის მიერ გაკეთებულ განცხადებას თვითმმართველობების დაფინანსებასთან დაკავშირებით, ის არაკომპეტენტური განცხადებების გაკეთებაში დაადანაშაულა და აღნიშნა, რომ დაფინანსება რეალურად არ გაორმაგდება.

შერგელაშვილის თქმით, გამარჯვების შემთხვევაში, ადგილობრივი ხელისუფლებიდან აქტიურად იბრძოლებენ საკანონმდებლო ცვლილებებზე, რომელიც მუნიციპალურ ბიუჯეტებს 5 წელიწადში გააორმაგებს.

შეგახსენებთ, რომ პრემიერ-მინისტრმა რამდენიმე დღის წინ განაცხადა, რომ თვითმმართველობების დაფინანსება გაორმაგდება მომავალი 10 წლის განმავლობაში.