ევროპული საქართველოს ზუგდიდის მერობის კანდიდატმა ლელა ქებურიამ ე.წ. კომბინატის დასახლებაში, მოსახლეობას მაჟორიტარი კანდიდატი ანა თოდუა წარუდგინა.
შეხვედრაზე ლელა ქებურიამ მოსახლეობას თანამედროვე ქალაქის განახლების კონცეფციის პრეზენტაცია მოუწყო, რომელიც ზუგდიდის ინფრასტრუქტურულ განახლებას გულისხმობს.
ევროპული საქართველოს პროექტის თანახმად, ე.წ. კომბინატის დასახლებაში უნდა მოეწყოს სტადიონი, ველოტრასა, ჩოგბურთის მოედანი და გაშენდეს სკვერი.
ინფრასტრუქტურული პროექტის გარდა, მოსახლეობასთან შეხვედრაზე, საუბარი შეეხო სოციალურ პრობლემებსაც.
ზუგდიდის მერობის კანდიდატი ლელა ქებურია ამბობს, რომ თვითმმართველობის არჩევნებში მოგებულ რაიონებში ბიუროკრატიული ხარჯების შემცირებით, გაიზრდება პენსია და სოციალური დანამატი.