პარლამენტის იურიდიულ საკითხთა კომიტეტმა, პარკირების წესებთან დაკავშირებით, პოლიტიკური მოძრაობა გირჩის საკანონმდებლო ინიციატივა განხილვაში არ მიიღო.
ცვლილებების თანახმად, საპატრულო პოლიციის განცხადების საფუძველზე, სითი პარკს ავტომანქანა საჯარიმო პარკინგზე არ უნდა გადაეყვანა, ასევე ჯარიმის გადაუხდელობისთვის განსაზღვრული საურავის ოდენობა 150-დან 20 ლარამდე უნდა შემცირებულიყო. თუმცა, როგორც პარლამენტის იურიდიული კომიტეტის მიერ მოძრაობისთვის გამოგზავნილ საპასუხო წერილშია განმარტებული, საპატრულო პოლიციისთვის ადგილობრივი თვითმმართველობის უფლებამოსილების დაკისრება არ შეესაბამება კანონის ნორმებს, ასევე ჯარიმის ანაზღაურების მოთხოვნის უფლება ადგილობრივი თვითმმართველობიდან ბიუჯეტიდან დამატებითი ხარჯების აუცილებლობას გამოიწვევს.
გირჩში სითი პარკსა და ხელისუფლებას შორის ფარულ გარიგებასაც არ გამორიცხავენ.