საბაჟო საზღვარზე საქონლის გადაადგილებასთან დაკავშირებული წესის დარღვევის ორი ფაქტი გამოვლინდა. გამოძიებით დადგინდა, რომ საბაჟო - გამშვები პუნქტი „ყაზბეგის“ გავლით, საბაჟო კონტროლისაგან მალულად, რუსეთის ფედერაციის მოქალაქემ საქართველოში შემოიტანა განსაკუთრებით დიდი ოდენობის ოქროს ნაკეთობები, რომლის საბაჟო ღირებულება 29 ათას 989 ლარს შეადგენს, ხოლო, საბაჟო - გამშვები პუნქტი „სადახლოს“ გავლით, სომხეთის რესპუბლიკის მოქალაქემ საბაჟო კონტროლისაგან მალულად ქვეყანაში შემოიტანა 52 ათას 351 ლარის საბაჟო ღირებულების ოქროს საიუველირო ნაწარმი.

საგამოძიებო მოქმედებების შედეგად, ამოღებულია ჯამში 771 გრამი ოქროს ნაკეთობები. გრძელდება გამოძიება.