ორთვიანი შესვენების შემდეგ ერგნეთში ინციდენტების პრევენციისა და მათზე რეაგირების ჯგუფის შეხვედრა განახლდა.
შეხვედრაზე ქართული მხარე ახალგორის სკოლებში ქართული ენის სწავლების შეზღუდვასთან დაკავშირებით, საოკუპაციო რეჟიმის განცხადებას დამოეხმაურება.
როგორც სახელმწიფო უსაფრთხოების საინფორმაციო-ანალიტიკური დეპარტამენტის წარმომადგენელმა კახა ქემოკლიძემ განაცხადა, შეხვედრაზე საუბარი იქნება ყველა იმ პრობლემაზე, რომელიც საოკუპაციო ზოლში ცხოვრების დროს მოსახლეობას ექმნება, ასევე საუბარი იქნება საქართველოს მოქალაქეების უკანონო დაკავების ფაქტებზე.
"ქართული მხარე დღეს კიდევ ერთხელ მოითხოვს ერთი წლის წინ დაკავებული გიორგი გიუნაშვილს გათავისუფლებას. ოკუპირებული ცხინვალის წარმომადგენელს შეხვედრაზე მოუწევს განმარტებების გაკეთება ახალგორში სამოქალაქო აქტივისტის თამარ მეარაყიშვილის უკანონო დაკითხვებთან დაკავშირებით", - განაცხადა ქემოკლიზემ.
ევროკავშირის სადამკვირვებლო მისია შეხვედრაზე ოკუპირებულ ტერიტორიაზე ხანძრებთან დაკავშირებით მოხსენებას გააკეთებს.