მექსიკაში, ტაბასკოსა და ჩიაპას შტატებში მიწისძვრის შედეგად, ხუთი ადამიანი დაიღუპა, მათ შორის ორი მცირეწლოვანი - იუწყება AP. შტატის გუბერნატორის, არტურო ნინესის ინფორმაციით, ბავშვები შენობის ნანგრევებში მოყვნენ. 8,1 მაგნიტუდის მიწისძვრამ ქვეყნის სამხრეთ ნაწილში საცხოვებელი შენობების ნგრევა გამოიწვია. ქვეყნის დედაქალაქსა და რამდენიმე რეგიონში სტიქიის შედეგად ელექტროენერგია გაითიშა, რაც საავადმყოფოში მყოფი მოქალაქეების სიცოცხლეს საფრთხეს უქმნის. მიწისძვრის ეპიცენტრი ჩიაპას შტატის ქალაქი ტაპაჩულაა, საიდანაც ბიძგები 165 კილომეტრის რადიუსზე გავრცელდა. სინოპტიკოსების ინფორმაციით, მიწისძვრამ შესაძლოა ცუნამი გამოიწვიოს. ქვეყნის დედაქალაქში, მეხიკოში საგანგებო მდგომარეობა გამოცხადდა.