საქართველოს ხელისუფლებას 2005 წელს დაკავებული ყოფილი პატიმრისთვის კომპენსაციის გადახდა მოუწევს. რამდენიმეწლიანი განხილვის შემდეგ ადამიანის უფლებათა ევროპულმა სასამართლომ მოქალაქე ნიკოლოზ მირზაშვილის საქმეზე გადაწყვეტილება გამოიტანა.

სტრასბურგის სასამართლომ საპატიმრო დაწესებულებაში მსჯავრდებულის არასათანადო მკურნალობის ფაქტი და ევროკონვენციის შესაბამისი მუხლის დარღვევა დაადასტურა, თუმცა კომპენსაციის ნაწილში საჩივარი ნაწილობრივ დააკმაყოფილა. კერძოდ, მოთხოვნილი სამი მილიონი ევროს ნაცვლად, სასამართლომ ქვეყანას 4 800 ევროს გადახდა დააკისრა.