საქართველოს საპარლამენტო დელეგაცია ამერიკის შეერთებულ შტატებში მიემგზავრება.
ვიზიტის მიზანია, ამერიკულ მხარეს ინფორმაცია მიაწოდონ საქართველოში მიმდინარე პოლიტიკურ პროცესებთან დაკავშირებით.
შეხვედრები გაიმართება კონგრესისა და სენატის წევრებთან, ასევე, ეროვნულ-დემოკრატიული ინსტიტუტის პრეზიდენტთან, „საარჩევნო სისტემების საერთაშორისო ფონდის“ პრეზიდენტთან და აღმასრულებელ დირექტორთან, ასევე, საერთაშორისო რესპუბლიკური ინსტიტუტის პრეზიდენტთან.
დაგეგმილია შეხვედრა მაკკეინის ინსტიტუტის, ფრიდომ ჰაუსის და გერმანიის მარშალის ფონდის წარმომადგენლებთან.
ვიზიტის ფარგლებში, ქართველი დეპუტატები „კარნეგის ფონდის -საერთაშორისო მშვიდობისთვის“ მრგვალი მაგიდის მუშაობაში მიიღებენ მონაწილეობას.
საქართველოს დელეგაცია პარლამენტის თავმჯდომარის პირველი მოადგილე თამარ ჩუგოშვილი ხელმძღვანელობს.