უკრაინის პრეზიდენტის მრჩეველი, ოდესის ოლქის გუბერნატორი, ოპოზიციური მოძრაობის დამფუძნებელი, ტელეწამყვანი და საკუთარი ქვეყნის მიერ ძებნილი ყოფილი პრეზიდენტი - ეს მიხეილ სააკაშვილის სამწლიანი პოლიტიკური ბიოგრაფიაა, რომლის წარუმატებელ ნაწილს თავად სააკაშვილი კრემლიდან მართულ პროცესად და ოლიგარქების მიერ ორგანიზებულ ე.წ. კუდიანებზე ნადირობად აფასებს.

სააკაშვილი უკრაინის პრეზიდენტ პეტრო პოროშენკოს კონსტიტუციის დარღვევაში სდებს ბრალს. იგი პირობას დებს, რომ ოლიგარქიულ მმართველობას უკრაინაში ბოლოს მოუღებს.

როგორია მიხეილ სააკაშვილის უკრაინული ოდისეა პოლიტიკური წარმატებიდან მოქალაქეობის ჩამორთმევამდე? - „მოამბის“ არქივს თვალი ქეთი თუთბერიძემ გადაავლო.