რა სცენარით შეიძლება განვითარდეს მოვლენები უკრაინაში დაბრუნების შემდეგ: ოდესის ყოფილი გუბერნატორის პოლიტიკური გეგმები ისევ პოროშენკოს გუნდის წინააღმდეგ ბრძოლას და ხელისუფლების შეცვლას უკავშირდება. ამ მიზნით, მიხეილ სააკაშვილი ოპოზიციური პარტიების გაერთიანებას აპირებს. მათ შორის სახელდება იულია ტიმოშენკო, რომელთანაც კონსულტაციები უკვე დაწყებულია. თუმცა, სააკაშვილის მიერ, უკრაინაში 7 თვის წინ შექმნილი უკვე მესამე პარტიის რეიტინგის და სოციოლოგიური კვლევების ფონზე, უკრაინელი პოლიტოლოგების ნაწილი საქართველოს ყოფილი პრეზიდენტის პოლიტიკურ შანსებს სკეპტიკურად უყურებს.

ექსპერტების აზრით, პოროშენკოს ყოფილი მრჩევლის პარტიას უკრაინის პოლიტიკურ სივრცეში ცვლილებების მოსახდენად საკმარისი გავლენა არ აქვს.