რუსეთის პრეზიდენტის პრესმდივანმა დიმიტრი პესკოვმა მიხეილ სააკაშვილის მიერ უკრაინის საზღვრის გადაკვეთას „პოლიტიკური კლოუნადა“ უწოდა. ამის შესახებ უკრაინული სააგენტო „უნიანი“ იტყობინება. კრემლის წარმომადგენელმა ამგვარად უპასუხა ჟურნალისტის შეკითხვას, ადევნებს თუ არა კრემლი თვალს მიხეილ სააკაშვილის გადაადგილებას.

„კრემლის დღის წესრიგში უამრავი სერიოზული საკითხია, რომელსაც თვალი უნდა ვადევნოთ. ამით ვართ დაკავებულები. არ ვფიქრობ, რომ ეს საკითხი სერიოზულ კატეგორიას განეკუთვნება. ეს უფრო კურიოზული საკითხების თემაა, რომელიც პოლიტიკური კლოუნადის კატეგორიას განეკუთვნება“, -აღნიშნა პესკოვმა