ნატოსა და ევროკავშირის შესახებ საინფორმაციო ცენტრში რეგიონულ მაუწყებელთა ასოციაციის თბილისის ბიუროს მიმდინარე და სამომავლო პროექტების შესახებ შემაჯამებელი პრეზენტაცია გაიმართა.
პრეზენტაციაზე იმ პროექტებსა და გადაცემებზე იყო საუბარი, რომლებსაც ასოციაცია ძირითადად რეგიონულ მაუწყებლებთან ერთად ახორციელებს, თუმცა ორგანიზაციის წევრების თქმით, ერთ-ერთი ყველაზე მნიშვნელოვანი პროექტი მათთვის საზოგადოებრივ მაუწყებელთან ერთად 18:00 და 20:00 საათიანი „მოამბის“ აზერბაიჯანულ და სომხურ ენებზე სინქრონული თარგმნა და ახალი ამბების ეთნიკური უმცირესობებისთვის დროულად მიწოდებაა.
ასოციაცია ამის გარდა ძირითად აქცენტს რეგიონულ ტელევიზიებთან ერთად ევროინტეგრაციის, ასევე ნატოსთან და ევროკავშირთან ჩვენი ქვეყნის ურთიერთობების შესახებ მომზადებულ გადაცემებზე აკეთებს. ღონისძიებას სხვადასხვა არასამთავრობო ორგანიზაციების, დიპლომატიური კორპუსისა და მედიაორგანიზაციების წარმომადგენლები დაესწრნენ.