მიხეილ სააკაშვილისთვის უკრაინის მოქალაქეობის ჩამორთმევამ არაფრისგან პრობლემა შექმნა, - ამის შესახებ „ამერიკის ხმასთან" ინტერვიუში უკრაინაში შეერთებული შტატების ყოფილმა ელჩმა, სტივენ ფაიფერმა განაცხადა.
„არასდროს ვყოფილმარ იმის მომხრე, რომ სააკაშვილს გარკვეული როლი ეთამაშა უკრაინაში, რადგან ჩემთვის გაუგებარი იყო, რამდენად აინტერესებდა მას უკრაინა და რამდენად ჰქონდა მას საქართველოში დაბრუნების სურვილი. თუმცა, მეორე მხრივ, დარწმუნებული ვარ, რომ მის გარშემო არსებული ვითარება გონივრულად არ მოგვარებულა. ეს ერთ-ერთი იმ სიტუაციათაგანია, როდესაც პრობლემა ცარიელ ადგილზე წარმოიშვა. ვფიქრობ, სააკაშვილისთვის მოქალაქეობის ჩამორთმევამ უკრაინას სავარაუდოდ საიმიჯო პრობლემა შეუქმნა, რომელიც მანამდე არ ჰქონია”, – აცხადებს ფაიფერი.