ევროკავშირი ყირიმის ნახევარკუნძულზე რუსეთის მიერ ჩატარებულ არჩევნებს არ აღიარებს, - ამის შესახებ ევროკავშირის საგარეო სამსახურის ოფიციალურ ვებგვერდზე გამოქვეყნებულ განცხადებაშია ნათქვამი.

„სევასტოპოლში გაიმართა გუბერნატორის არჩევნები. ევროკავშირი არ აღიარებს რუსეთის მიერ ყირიმისა და სევასტოპოლის არალეგალურ ანექსიას და შესაბამისად, არ აღიარებს ყირიმის ნახევარკუნძულზე ჩატარებულ არჩევნებს“, - ნათქვამია ევროკავშირის განცხადებაში.

„ნებისმიერი, ვინც არჩეულია ყირიმის ნახევარკუნძულზე და აცხადებს, რომ ყირიმსა და სევასტოპოლს „წარმოადგენს“, არ იქნება აღიარებული უკრაინული ტერიტორიების წარმომადგენლად. ევროკავშირი მტკიცედ უჭერს მხარს უკრაინის ტერიტორიულ მთლიანობასა და სუვერენიტეტს“, - ნათქვამია განცხადებაში.

რუსეთში ადგილობრივი არჩევნები 10 სექტემბერს გაიმართა.