ესპანეთის ხელისუფლებამ კომპანია „ფეისბუქი“ მილიონი ევროთი დააჯარიმა. პერსონალურ მონაცემთა დაცვის უწყების თანამშრომლებმა დაადგინეს, რომ კომპანია პერსონალურ მონაცემებს ინტერნეტმომხმარებლების თანხმობის გარეშე აგროვებდა.

სოციალური ქსელი არ ატყობინებდა მომხმარებლებს მონაცემების შეგროვებისა და მათი გამოყენების შესახებ. მიღებულ მონაცემებს „ფეისბუქი“ რეკლამის პერსონალიზაციისთვის იყენებდა.

კომპანია „ფეისბუქს“ ორი თვის განმავლობაში გადაწყვეტილების გასაჩივრების უფლება აქვს. სოციალურ ქსელ „ფეისბუქს“ მსოფლიოში ორ მილიარდზე მეტი მომხმარებელი ჰყავს.