საკონსტიტუციო ცვლილებების შესახებ პრეზიდენტის მიერ გაჟღერებულ შეთავაზებას მიესალმებიან ოპოზიციაში.
საუბარია, გიორგი მარგველაშვილის ინიციატივაზე, რომლითაც ის საპარლამენტო და არასაპარლამენტო პარტიებს საკონსტიტუციო ცვლილებების პროექტის ალტერნატიული ვერსიის მომზადებასა და მმართველი პარტიისთვის წარდგენას გულისხმობს.
ხელისუფლების ოპონენტები ამ იდეის განხორციელებას გეგმავენ და ერთმანეთს პრინციპულობისკენ მოუწოდებენ.
ახალ დოკუმენტში ისინი იმ საკითხების ასახვას აპირებენ, რომელზე შეთანხმებაც მათსა და მმართველ გუნდს შორის ამ დრომდე ვერ ხერხდება.
პრეზიდენტის პირდაპირი წესით არჩევა და პროპორციულ სისტემაზე გადასვლა ოპოზიციის უცვლელი მოთხვნაა. მარგველაშვილის ინიციტივას პარლამენტის შეურაცხყოფად აფასებენ უმრავლესობაში.