"შენების მოძრაობის" თბილისის მერობის კანდიდატმა თენგიზ შერგელაშვილმა დიდი დიღმის მე-4 საარჩევნო ოლქის მაჟორიტარობის კანდიდატი წარადგინა. მოძრაობის სახელით დიდ დიღომში შორენა ბუხრაშვილი იბრძოლებს.

ლიდერებმა მოსახლეობას მოძრაობის საარჩევნო პროგრამა გააცნეს და ისაუბრეს ქალაქის მართვის სისტემის მოდერნიზაციის შესახებ.

მათი თქმით, თბილისში თანამედროვე მმართველობითი სისტემა უნდა დაინერგოს, რაც გულისხმობს ათი რაიონული გამგეობის ნაცვლად 25 საუბნო ადმინისტრაციის შექმნას.