უკრაინა-პოლონეთის საზღვარზე განვითარებულმა მოვლენებმა უკრაინის იმიჯი მნიშვნელოვნად შელახა, - ეს განცხადება პირველ არხთან ექსკლუზიურ ინტერვიუში ლიტველმა ევროპარლამენტარმა, ლაიმა ანდრიკიენემ განაცხადა.
მისი თქმით, სტრასბურგში სააკაშვილის გარშემო განვითარებულ მოვლენებზე თვალს ვერ დახუჭავენ.
„ჩემი 27-წლიანი გამოცდილება მკარნახობს, რომ პოროშენკომ შეცდომა დაუშვა, როდესაც სააკაშვილს მოქალაქეობა ჩამოართვა. უკრაინის მთავრობის მიერ მიღებული გადაწყვეტილებები, რაც მათ უკრაინა-პოლონეთის საზღვარზე განვითარებული მოვლენების დროს მიიღეს, მათ შორის მატარებლის გაჩერების შემთხვევა, ასევე „შეგინის“ გამშვები პუნქტის დანაღმვის შესახებ გავრცელებული ცნობები, ასევე იყო შეცდომა“, - აცხადებს ანდრიკიენე.
როგორც ლიტველი დეპუტატი აცხადებს, ევროპარლამენტში სააკაშვილის გარშემო განვითარებული მოვლენების შესახებ სხვადასხვა პოლიტიკურ ჯგუფში მსჯელობა უკვე მიმდინარეობს.