სექტემბერი 13, 2017
230
ნიუ იორკში, ცენტრალ პარკში მდებარე ქრისტეფორე კოლუმბის ძეგლი დაარბიეს. ქანდაკებას ხელები წითლად შეუღებეს, კვარცხლბეკზე კი თეთრი გრაფიტი დატოვეს წარწერით: „სიძულვილის მიმართ უნდა ვიყოთ შეუწყნარებლები“. ახლომდებარე ტერიტორიაზე ასევე ეყარა სტიკერები შემდეგი წარწერით „გადაარჩინეთ თქვენი სულები!“
NBC-ს ცნობით, პოლიციამ მომხდარი ვანდალურ აქტად შეაფასა. მომხდართან დაკავშირებით არავინ დაუკავებიათ.
ერთი თვის წინ, ქალაქის საბჭოს პრესსპიკერმა მელისა მარკ-ვივერიტომ განაცხადა, რომ საბჭოში მანჰეტენზე მდებარე ქრისტეფორე კოლუმბის ძეგლის დემონტაჟის საკითხი განიხილება.
მაჩვენე მეტი