ევროპულმა საქართველომ თელავის, სიღნაღის, ყვარლის და დედოფლისწყაროს მერობის კანდიდატები დაასახელა.
ადგილობრივ მოსახლეობას, მხარდამჭერებსა და ამომრჩევლებს, მერობის კანდიდატები ევროპული საქართველოს ლიდერებმა - გიგი უგულავამ, ელენე ხოშტარიამ და დავით ბაქრაძემ წარუდგინეს.
ამომრჩეველთან შეხვედრაზე მერობის კანდიდატები რეგიონში არსებულ სოციალურ, სასმელი წყლის, ინფრასტრუტურულ და სოფლამდე მისასვლელი გზის პრობლემებზე საუბრობენ.
გიგი უგულავამ და დავით ბაქრაძემ ამომრჩევლებს პარტიის წინასაარჩევნო გეგმაც გააცნო.
ევროპული საქართველოს ინიციატივის თანახმად, თვითმმართველობის არჩევნებზე მოგებულ რაიონებში შემცირდება ბიუროკრატიული ხარჯები, პრემია და დანამატები, ეს თანხა კი პენსიის ზრდას მოხმარდება.
თელავში პენსია 30 ლარით მოიმატებს, ხოლო სიღნაღში, ყვარელში და დედოფლისწყაროში 20 ლარით.