ადგილობრივი განვითარების რიგით მე-10 საერთაშორისო ფორუმი, რომელსაც ოცზე მეტი წამყვანი ქვეყნის წარმომადგენელი ესწრება, დღეს თბილისის მერმა დავით ნარმანიამ გახსნა.

ფორუმში მონაწილე საჯარო და კერძო სექტორის ადგილობრივი და საერთაშორისო ექსპერტები ერთმანეთს იდეებსა და გამოცდილებას უზიარებენ.

ფორუმი, რომელშიც 100 პრეზენტატორი 50 მოწვეული მომხსენებელი მიიღებს მონაწილეობას, ორი დღე გაგრძელდება და მასში 16 თემატური სესია იქნება წარმოდგენილი.

შემაჯამებელ ნაწილში თბილისის მწვანე ქალაქის სამოქმედო გეგმას განიხილავენ.