საჯარო სკოლებში ახალი სასწავლო წელი დაიწყო. წელს საჯარო და კერძო სკოლებში 575 000 მოსწავლე ისწავლის, აქედან 56 ათას 300 პირველკლასელია.

უფასო სახელმძღვანელოებს, საჯარო სკოლის პირველიდან მეთორმეტე კლასის ჩათვლით, წელსაც ყველა მოსწავლე მიიღებს.

2017-2018 სასწავლო წელს სკოლები სიახლეებით ხვდებიან. სკოლებში საპილოტე რეჟიმში სამაგიდო თამაშები სექტემბრიდან დაინერგება. ოქტომბრიდან კი შრომის გაკვეთილები აღდგება და მისი ჩატარება პროფესიულ სასწავლებლებს დაევალებათ.

სკოლებში იცვლება კვების რაციონიც. ბუფეტებში არაჯანსაღი პროდუქტის გაყიდვა იკრძალება და სკოლების საკვები ობიექტების მეთვალყურეობას სამინისტროს მონიტორინგის სამსახური განახორციელებს.