„საერთაშორისო გამჭვირვალობა“ პროკურატურის წინააღმდეგ სამართლებრივი დავის დაწყებას აპირებს. საქმე ეხება გახმაურებულ საქმეებზე საგამოძიებო უწყებიდან ინფორმაციის გამოთხოვას, რაზეც, ორგანიზაციის ცნობით, პროკურატურამ მათ უარი უთხრა.
არასამთავრობო ორგანიზაციის მტკიცებით, ზოგადი ადმინისტრაციული კოდექსის მიხედვით, პროკურატურა ვალდებული იყო მაღალი საზოგადოებრივი ინტერესის მქონე საქმეებზე ზოგადი ინფორმაცია გაესაჯაროებინა.
ისინი ითხოვდნენ პასუხს 34 გახმაურებულ საქმეზე -მიმდინარეობს თუ დასრულდა მათი გამოძიება.
„საერთაშორისო გამჭვირვალობა“ პარლამენტს მოუწოდებს, საპარლამენტო კონტროლის ფარგლებში მთავარი პროკურორი დაიბარონ და კითხვებზე ინფორმაცია მიიღონ.
არასამთავრობო ორგანიზაციისთვის პროკურატურის მიერ გაგზავნილ წერილში ეწერა, რომ ზოგადი ადმინისტრაციული კოდექსის მოქმედება არ ვრცელდება იმ საქმიანობაზე, რომელიც დაკავშირებულია დანაშაულის ჩადენის გამო პირის დევნასთან და საქმის წარმოებასთან.
პარლამენტში შოთაძის დაბარებაზე და ასევე პროკურატურის მიერ ინფორმაციის გაუცემლობაზე შეფასებები გაკეთდა პარლამენტსა და მთავრობაში.