სწორედ წინა წლების გახმარებული საქმეების გამო არასამთავრობო ორგანიზაცია პარლამენტს მთავარი პროკურორის დაბარებისკენ მოუწოდებს. მოთხოვნის ავტორი ,,საერთაშორისო გამჭვირვალობაა”, რომელიც ირაკლი შოთაძეს ადმინისტრაციული კოდექსის დარღვევაში ადანაშაულებს და სამართლებრივი დავის დაწყებას გეგმავს.
ეკა გიგაურის მტკიცებით, ორგანიზაციის მიმართვის მიუხედავად, საგამოძიებო უწყებას 34 რეზონანსული საქმის გამოძიების შესახებ ინფორმაცია არ მიუწოდებია.
პასუხად შოთაძის უწყება განმარტავს, რომ გახმაურებულ საქმეებზე 2017 წლის 6 თვის ანგარიშშიცაა საუბარი. ამავე განცხადების მიხედვით, პროკურატურა გასცემს ყველა იმ ინფორმაციას, რაც საგამოძიებო პროცესს არ დააზიანებს.
უწყების მიერ გავრცელებულ ტექსტში ასევე ნათქვამია, რომ არასამთავრობო ორგანიზაციას საკუთარი სტატუსი კონკრეტული საქმის მასალების გამოთხოვის და მიღების უფლებას არ აძლევს.