შვიდი წლის შემდეგ ტერაქტების ცნობილი საქმე ხელახალი გამოძიების საგანი ხდება. პროკურორის კითხვებს ოთხი საათის განმავლობაში პასუხობდა საქმის მთავარი ფიგურანტი-მერაბ ყოლბაია, მეტსახელად კოჭოია, რომელიც 2010 წელს საქართველოში მომხდარი აფეთქებების სერიის ორგანიზება-შესრულებაშია ბრალდებული.
მსჯავრდებული თავის დროზე ბრალის აღიარებას ზეწოლით ხსნის და წამების სასტიკ მეთოდებს დეტალურად იხსენებს. დაკითხვის შემდეგ ყოლბაიას ადვოკატი ამბობს, რომ ეს იყო კონკრეტული მიზნით დაგეგმილი და ინსცენირებული ტერაქტები.
ახელდება ყოფილი მაღალჩინოსნების გვარებიც. სწორედ ყოლბაიას ჩვენების საფუძველზე 2010 წელს ტერაქტების მოწყობაში კიდევ 15 პირი ამხილეს. ორი ბრალდებული გარდაიცვალა, მსჯავრდებულთა ნაწილმა კი საპატიმრო დაწესებულება უკვე დატოვა. მათ შორისაა ნუკრი შონია, რომელიც დღეს ,,მოამბესთან” მასზე განხორციელებულ მუქარა-ზეწოლაზე საუბრობს და ახსენებს ძალოვანი უწყების ძებნილ ექს-მაღალჩინოსანს, კოხტა კოდუას, რომელსაც უკრაინაში საექსტრადიციო პატიმრობა აქვს შეფარდებული.