„ევროპული საქართველოს“ თბილისის მერობის კანიდატი ელენე ხოშტარია „ქართული ოცნების“ თბილისის მერობის კანდიდატ კახი კალაძეს სამშენებლო ბიზნესში კორუფციულ გარიგებებში ადანაშაულებს.
ხოშტარიას განცხადებით, კახი კალაძემ 2006 წელს თბილისში, საქალაქო სასამართლოს მიმდებარე ტერიტორიაზე შეიძინა მიწა, რომელიც საკუთარ კომპანია „კალა დეველოპმენტს“ გადასცა . ამ ტერიტორიაზე სასტუმროა განთავსებული და მასში აფხაზეთიდან დევნილი პირები ცხოვრობენ.
„ევროპული საქართველოს“ მერობის კანდიდატის განცხადებით, კახი კალაძემ დევნილებით ჩასახლებული ტერიტორია მოიშორა, ეს მიწა სახელმწიფოს აყიდინა და ურბანულად უფრო პრესტიჟულ და ბიზნესის კუთხით, უფრო მომგებიან მინდელის ქუჩაზე არსებულ ტერიტორიაში გაუცვალა.
ელენე ხოშტარია ამბობს, რომ ეს სქემა „ქართული ოცნების“ დეპუტატ ივლიანე წულაიას სახელზე რეგისტრირებულმა კომპანია ‘ ’არქი ჯგუფმა’’ განახორციელა , რომელიც რეალურად კახი კალაძის მფლობელობაშია.