ევრობასკეტის ფინალისტები გარკვეულია. 2017 წლის ევროპის საკალათბურთო ჩემპიონატის ფინალში ერთმანეთს სერბეთი და სლოვენია დაუპირისპირდებიან.

სლოვენიამ ევროპის ჩემპიონატზე ესპანეთის 13-მოგებიანი სერია შეწყვიტა და მეტოქეს მეორე ტაიმიდან თამაშის შემოტრიალების შანსი არ მისცა -

საბოლოოდ, საქართველოს ნაკრების ყოფილი მწვრთნელის, იგორ კოკოშკოვის გუნდმა 92:72 მოიგო და ფინალში გავიდა. მეორე ფინალისტი სერბეთისა და რუსეთის ნაკრებების დაპირსპირებაში გაირკვა – ბალკანელები მთელი შეხვედრის განმავლობაში ლიდერობდნენ და მეტოქე 87:79 დაამარცხეს.

მესამე ადგლისთვის კი რუსეთი ესპანეთს დაუპირისპირდება. შეხვედრები კვირას გაიმართება - ორივე მატჩის პირდაპირ ტრანსლაციას პირველი არხი შემოგთავაზებთ.