საქართველოს საპარლამენტო დელეგაციამ ვაშინგტონში შეხვედრები დაასრულა. პარლამენტარები ერთი კვირის განმავლობაში შეერთებული შტატების პოლიტიკური წრეების წარმომადგენლებთან შეხვედრებს მართავდნენ.
თამარ ჩუგოშვილის განმარტებით, კიდევ ერთხელ დაფიქსირდა, რომ ამერიკა მხარს უჭერდა და კვლავ დაუჭერს ჩვენი ქვეყნის ევროატლანტიკურ მისწრაფებებს და დემოკრატიული ინსტიტუტების გაძლიერებას.
ვიზიტის ფარგლებში განხილვის მთავარი საკითხები იყო ოკუპირებული ტერიტორიების და საქართველოს ტერიტორიული მთლიანობის თემა. ასევე, შეთანხმება ამერიკის შეერთებულ შტატებთან თავისუფალი ვაჭრობის შესახებ.
დელეგაცია, პარლამენტის თავმჯდომარის პირველი მოადგილის თამარ ჩუგოშვილის ხელმძღვანელობით, ამერიკის შეერთებულ შტატებში ვიზიტით 10-16 სექტემბერს იმყოფებოდა.