#სპორტი #SPORT #vedetta - “მანჩესტერ სიტის” ფორვარდმა სერხიო აგუერომ ტოპ 5 ჩემპიონატებში საიუბილეო, მე-200 გოლი გაიტანა. აღნიშნულ ნიშნულს არგენტინელმა ფეხბურთელმა “უოტფორდისა” და “სიტის” შეხვედრაში (0:6) უწია. აგუერომ მარკო სილვას გუნდთან ჰეთ-თრიქი გაიფორმა, ხოლო მე-200 გოლი მან 31-ე წუთზე გაიტანა, როდესაც ანგარიში 2:0 გახდა. 29 წლის შემტევის ანგარიშზე ახლა ჯამში 201 გოლია. აქედან 127 პრემიერლიგაზე მოდის, ხოლო დანარჩენი 74 ლა ლიგაში “ატლეტიკოს” მაისურით აქვს გატანალი. კუნს ხსენებული გოლების გასატანად 361 მატჩი დასჭირდა.