კლიმატური ცვლილებების შესახებ მიღწეული შეთანხმების მონაწილე სახელმწიფოები ამერიკის შეერთებული შტატების პრეზიდენტს ახალ კონტრაქტს სთავაზობენ იმ პირობით, თუ აშშ კვლავ შეთანხმების ხელმომწერი დარჩება.
ამის შესახებ Reuters წერს.
შეხვედრა კანადაში გაიმართა, რომელსაც ამერიკის შეერთებული შტატების მთავრობის რამდენიმე წარმომადგენელი ესწრებოდა. შეთავაზებას თეთრმა სახლმა რამდენიმე საათის წინ წერილობით უპასუხა. პრეზიდენტი დონალდ ტრამპი მიიჩნევს, რომ ამერიკის შეერთებული შტატები პარიზის შეთანხმების დატოვებაზე უარს მხოლოდ იმ შემთხვევაში იტყვის, თუ სახელმწიფოსთვის ხელსაყრელ პირობებს შესთავაზებენ.
პარიზის შეთანხმების დატოვება დონალდ ტრამპმა 2017 წლის ივნისში დააანონსა. აღნიშნული საკითხი მისი წინასაარჩევნო პროგრამის ერთ-ერთ მნიშვნელოვან დაპირებას წარმოადგენდა. ტრამპი მიიჩნევს, რომ კლიმატური ცვლილებების შესახებ მიღწეული პარიზის შეთანხმება, რომელსაც ხელი 2015 წელს ბარაკ ობამამ მოაწერა, შეერთებული შტატების ეკონომიკას დააზარალებს.