დიდ ბრიტანეთში, ​პარსონ-გრინის მეტროპოლიტენში 15 სექტემბერს მომხდარი ტერაქტის შემდეგ გამოცხადებული ტერორისტული საფრთხის უმაღლესი დონე ერთი კატეგორიით შეამცირეს. ამის შესახებ ქვეყნის შინაგან საქმეთა მინისტრმა განაცხადა.

მეტროპოლიტენში ტერაქტი ხელნაკეთი ასაფეთქებელი მოწყობილობის საშუალებით განახორციელეს. ინციდენტის შედეგად, 30 ადამიანი დაშავდა. სამი მათგანი საავადმყოფოში მკურნალობას ამ დრომდე განაგრძობს.

სამართალდამცველებმა ტერაქტში ეჭვმიტანილი ორი პირი დააკავეს. 18 წლის მამაკაცი პოლიციამ შაბათს დილით საპორტო ქალაქ დოვერში აიყვანა, რის შემდეგაც სანბერიში, ერთ-ერთ საცხოვრებელ სახლში ჩხრეკის ოპერაცია ჩატარდა.

ადგილობრივი მედიის ინფორმაციით, პოლიციამ პენელოპა და რონალდ ჯონსონების სახლი გაჩხრიკა. აღნიშნულ წყვილს ბოლო 40 წლის განმავლობაში 300-ზე მეტი არასრულწლოვანი ჰყავდათ ნაშვილები, მათ შორის რვა ლტოლვილი. სამართალდამცველებმა ერთ-ერთი ოჯახის წევრისგან დაადგინეს, რომ ცოტა ხნის წინ მათთან 18 და 22 წლის ახალგაზრდები ცხოვრობდნენ, რის შემდეგაც პოლიციამ ლონდონის დასავლეთით, ჰაუნსლოუს რაიონში 22 წლის მამაკაციც აიყვანა. ის ამჟამად პოლიციის განყოფილებაში იმყოფება.

წყარო: BBC