სექტემბერი 19, 2017
169
დღეიდან პირველი არხის ეთერში წინასაარჩევნო გადაცემათა ციკლი იწყება.
თვითმმართველობა 2017, რომელიც 15 გადაცემას მოიცავს, თვითმმართველობის არჩევნების შესახებ მოქალაქეების სრულ ინფორმირებულობას უზრუნველყოფს.
გადაცემის ავტორები განსაკუთრებულ ყურადღებას რეგიონებს დაუთმობენ. 11 გადაცემა საქართველოს სხვადასხვა ქალაქიდან გადაიცემა, მიზანი რეგიონებში მცხოვრები მოსახლეობის პრობლემების პოლიტიკურ პარტიებამდე მიტანაა. სწორედ ამ პრობლემების გადაჭრის გზებზე საარჩევნო სუბიექტებს შორის დებატები გაიმართება.
პირველი გადაცემა ადგილობრივი არჩევნების არსისა და მნიშვნელობის განმარტებას დაეთმობა.
გადაცემა პირველი არხის ეთერში კვირაში სამჯერ - ორშაბათს, ოთხშაბათსა და პარასკევს 21:00 საათზე გავა.
მაჩვენე მეტი