გაერო-მ ვერ შეძლო დასახული მიზნები მიღწევა და ეს პირველ რიგში ბიუროკრატიის გამო მოხდა - ეს განცხადება გაერო-ს გენერალურ ასამბლეაზე გამოსვლისას აშშ-ის პრეზიდენტმა გააკეთა.

მისი თქმით, აშშ-მა გაერთიანებული ერების ორგანიზაციის დაფინანსება 2000-იანი წლებიდან თითქმის 140 პროცენტით გაზარდა, თუმცა შესაბამისი შედგი ვერ მიიღო.

„2000-იანი წლებიდან აშშ-მა გაერო-ს დაფინანსება 140 პროცენტით გაზარდა, ხოლო თანამშრომელთა რიცხვი გაორმაგდა. მიუხედავად ამისა, შედეგები ამ ინვესტიციების ტოლფასი ნამდვილად არ არის. თუმცა, ვიცი რომ მოქმედი გენერალური მდივნის ხელმძღვანელობით ეს ყველაფერი იცვლება და საკმაოდ სწრაფადაც. სწორედ ამიტომ მოვუწოდებთ მას და გაერო-ს, რომ უფრო მეტად იყოს ფოკუსირებული ხალხზე და ნაკლებად ბიუროკრატიაზე. ჩვენი გვსურს, რომ მთელ მსოფლიოში გაერო-ს მიმართ ხალხის ნდობა აღდგეს.“ - განაცხადა დონალდ ტრამპმა.

აშშ-ის პრეზიდენტი მიიჩნევს, რომ გაერო-ს მიმართ ფინანსური ტვირთი, პროპორციულად უნდა იყოს განაწილებული, როგორც სამხედრო ისე ფინანსური კუთხით.

გამოსვლის ბოლოს დონალდ ტრამპმა გაერო-ს გენერალურ მდივანს მოუწოდა მეტად იზრუნოს ორგანიზაციის ბიუროკრატიისგან გათავისუფლებაზე და რეფორმის პროცესში მხარდაჭერას დაპირდა.