მწვავე შეფასებები მოყვა პარლამენტში ფრაქცია პატრიოტთა ალიანსის წევრების მოსკოვში დაგეგმილ ვიზიტს.

ადა მარშანია, გიორგი ლომია, ნატო ჩხეიძე და დავით თარხან-მოურავი რუსეთის დედაქალაქში ჩასვლას პირველ ოქტომბერს გეგმავენ. როგორც დეპუტატები აცხადებენ, ისინი რუს კოლეგებს შეხვდებიან. ადა მარშანიას თქმით, განხილვის მთავარი თემები არ შეიცვლება. საუბარი გაგრძელდება ნატო-საქართველო-რუსეთის ურთიერთობის ფორმატზე.

დეპუტატი ოპონენტების მოსაზრებებსაც გამოეხმაურა და აღნიშნა, რომ ქართული ოცნება მოსკოვში მათ ვიზიტს მხარს არ უჭერს.