საქართველოს შინაგან საქმეთა მინისტრმა გიორგი მღებრიშვილმა და ცესკო-ს თავმჯდომარემ, თამარ ჟვანიამ არჩევნების უსაფრთხო და თავისუფალ გარემოში ჩატარების მიზნით ურთიერთგაგების მემორანდუმს ხელი მოაწერეს.
„არჩევნების მაღალ დონეზე, დასავლური სტანდარტის შესაბამისად ორგანიზებისათვის უმთავრესი პირობაა საარჩევნო კანონის მაქსიმალურად დაცვა, შესაბამისი უწყებების კოორდინირებული მუშაობა და უსაფრთხო საარჩევნო გარემოს შექმნა. მიმაჩნია, რომ შინაგან საქმეთა სამინისტროს და ცესკო-ს შორის თანამშრომლობის სწორად დაგეგმვა იქნება წინაპირობა იმისა, რომ 2017 წლის ოქტომბერში დაგეგმილი ადგილობრივი თვითმმართველობის არჩევნები მშვიდ გარემოში ჩატარდეს" , - განაცხადა შინაგან საქმეთა მინისტრმა.
აღნიშნული დოკუმენტით განისაზღვრა შსს-სა და ცესკოს თანამშრომლობის დამატებითი ფორმები და ჩარჩოები.