მეცხრე მოწვევის პარლამენტის 9 დეპუტატი არღვევს კანონს, მაშინ როდესაც სადეპუტატო საქმიანობის პარალელურად საჯარო რეესტრში რეგისტრირებული არიან, როგორც კერძო ბიზნეს კომპანიების დირექტორები, ასეთია "საერთაშორისო გამჭვირვალობა -საქართველოს" ანგარიშის ერთ-ერთი მიმართულება.
ორგანიზაციამ კვლევის შედეგები გაასაჯაროვა სადაც პარლამენტის წევრების ბიზნესთან კავშირზე, შეუთავსებელ საქმიანობასა და არადეკლარირებულ ქონებაზეა საუბარი.
ანგარიშში ასევე საუბარია იმ დეპუტატებზე, რომლებსაც არასრულად აქვთ შევსებული დეკალარაცია უძრავი ქონების ნაწილში, სულ ასეთი 16 დეპუტატია,
მთლიანობაში, ანგარიშის მიხედვით, ბიზნესთან კავშირი აქვს პარლამენტის 51 წევრს. მათ შორის არიან როგორც უმრავლესობის წევრები, ასევე „ევროპული საქართველოსა“ და “პატრიოტთა ალიანსის“ წევრები.
"საერთაშორისო გამჭვირვალობა-საქართველო" რეკომენდაციით მიმართავს პარლამენტის საპროცედირო საკითხთა კომიტეტს, გაუწიონ მონიტორინგი და ზედამხედველობა აღნიშნულს და იმ შემთხვევაში თუ გამოიკვეთება დარღვევბი, შესაბამისი რეაგირება მოახდინონ.