პარლამენტში შესული საკონსტიტუციო რეფორმის პროექტის ალტერნატიული ვერსია მზად არის - დოკუმენტი პრეზიდენტის და ოპოზიციური პარტიების ავტორობით შემუშავდა.
ხუთპუნქტიანი ვერსია მმართველ გუნდსა და ვენეციის კომისიას უახლოეს დღეებში გაეგზავნება. ალტერნატიული ვარიანტის ავტორები მესამე მოსმენით განსახილველ საკონსტიტუციო პროექტში რამდენიმე ცვლილების შეტანას ითხოვენ. მათ შორისაა პრეზიდენტის არჩევის პირდაპირი წესის დატოვება,
2020 წლიდან მთლიანად პროპორციულ საარჩევნო სისტემაზე გადასვლა, საარჩევნო ბარიერის დაწევა, ბლოკების შენარჩუნება და გაუნაწილებელი საპარლამენტო მანდატების პროპორციულად გადანაწილება. პრეზიდენტის და ოპოზიციის მიერ მომზადებული ცვლილებები უშიშროების საბჭოს ფუქნციებსაც ეხება.
საკონსტიტუციო ცვლილებების ალტერნატიული ვარიანტის მომზადებას სასოწარკვეთილ ნაბიჯად მიიჩნევს პარლამენტის ვიცე-სპიკერი თამარ ჩუგოშვილი.