ისტორიაში პირველად, საქართველო ორგანიზაციის ,,ღია მმართველობის პარტნიორობა” თავმჯდომარე ხდება. ცერემონია ნიუ იორკში თბილისის დროით ღამის პირველ საათზე დაიწყება.
75 ქვეყნისგან შექმნილი ორგანიზაციის ხელმძღვანელობას ჩვენი ქვეყანა საფრანგეთისგან გადაიბარებს. ცერემონიას ემანუელ მაკრონი დაესწრება.
დღესვე გაეროს გენერალური ასამბლეის ფარგლებში საქართველოს პრემიერი ევროკავშირის უმაღლეს წარმომადგენელს შეხვდება. გიორგი კვირიკაშვილი დონალდ ტრამპის და მისი მეუღლის სახელით გამართულ ვახშამსაც დაესწრება.
ხვალ საქართველოს მთავრობის მეთაური გენერალურ დებატებზე სიტყვით გამოვა და 193 ქვეყნის ლიდერებს მიმართავს.
მანამდე კი დებატებზე უკვე წარდგა აშშ-ის პრეზიდენტი, რომელმაც ირანი, ჩრდილოეთ კორეა და ვენესუელა გააკრიტიკა. გამოსვლის დროს თეთრი სახლის ლიდერმა ახსენა რუსეთიც და გუშინდელის მსგავსად, კიდევ ერთხელ გაუსვა ხაზი გაეროს რეფორმირების აუცილებლობას.