მსოფლიო ფეხბურთის ვარსკვლავები საქართველოში 29 სექტებერს ითამაშებენ. ფრანჩესკო ტოტი, რივალდო, დიდა, ანდრეი შევჩენკო, პაოლო მალდინი, ლუკა ტონი, დემეტრიო ალბერტინი, დინო, ბაჯო, მასიმო ამბროზინი, მასიმო ოტტო, სებასტიან ფრეი, ანჯელო დი ლივიო, - ეს არასრული ჩამონთვალია იმ ფეხბურთელების, რომლებიც „დინამო არენაზე“ გასამართ საქველმოქმედო მატჩში მიიღებენ მონაწილეობას.

მატჩის ბილეთებიდან შემოსული თანხა ბორჯომის ტყის დამწვარი ტერიტორიის აღდგენას მოხმარდება.

საქველმოქმედო მატჩი ქვეყნის მთავარ საფეხბურთო არენაზე, მსოფლიოს ვარსკვლავებსა და საქართველოს ფეხბურთის ფედერაციის გუნდებს შორის 29 სექტემბერს 21 საათზე გაიმართება.

მატჩზე დასასწრები ბილეთების ონლაინ გაყიდვა დღეს 3 საათზე „თიქეთ.ჯიზე“ დაიწყო. ბილეთების ფასი 5,10,15 და 25 ლარია.