მექსიკაში 7.1 მაგნიტუდის სიმძლავრის დამანგრეველმა მიწისძვრამ, ბოლო მონაცემებით, 250-მდე ადამიანის სიცოცხლე იმსხვერპლა. თუმცა ეს რიცხვი შესაძლოა კიდევ გაიზარდოს, რადგან ნანგრევებში ამ დრომდე რჩებიან დაზარალებულები.

სამძებრო-სამაშველო ოპერაციები უწყვეტ რეჟიმში მიმდინარეობს. სტიქიის ეპიცენტრი, დედაქალაქიდან 120 კილომეტრის დაშორებით, მიწისქვეშ 51 კილომეტრის სიღრმეში დაფიქსირდა.

ყველაზე მეტად დედაქალაქი მეხიკო, პუებლასა და მორელოსის შტატები დაზარალდა. დანგრეულია რამდენიმე ათეული შენობა-ნაგებობა, მათ შორის საცხოვრებელი სახლები, საგანმანათლებლო დაწესებულებები, ტაძრები. 4 მილიონამდე აბონენტს არ მიეწოდება ელექტროენერგია.

ფუნქციონირება შეწყვიტა მეხიკოს საერთაშორისო აეროპორტმა. მექსიკას სოლიდარობასა და თანაგრძნობას უცხადებენ მსოფლიო ლიდერები და ნებისმიერი სახით დახმარებას სთავაზობენ