ცენტრალური საარჩევნო კომისია საუბნო-საარჩევნო კომისიების პირველ სხდომებთან დაკავშირებით სპეციალურ განცხადებას აკეთებს.
ცესკო ამ პროცესში მიზანმიმართულ ხელისშეშლის ფაქტებზე საუბრობს. საარჩევნო კომისიის სპიკერმა ანა მიქელაძემ საგანგებო ბრიფინგზე რამდენიმე შემთხვევაზე ისაუბრა.
მისი თქმით, თბილისისა და რუსთავის ოლქებში, საუბნო-საარჩევნო კომისიის პირველ სხდომაზე, როდესაც კომისიის თავმჯდომარეს, მოადგილეებსა და მდივნებს ირჩევენ, „ნაციონალური მოძრაობის“ წარმომადგენლები იდენტური შინაარსის წერილებით გამოცხადდნენ, რომელშიც აღნიშნული იყო, რომ ისინი უნდობლობას უცხადებენ კომისიის შემადგენლობას. ანა მიქელაძის განცხადებით, ეს მოხდა მაშინ, როდესაც კომისია ჯერ დაკომპლექტებულიც არ იყო.
ცესკო-ს ინფორმაციით, კიდევ ერთი შემთხვევა მოხდა აჭარაში. ბათუმის ოლქებში პირველი სხდომის ჩატარებამდე, კომისიის წევრებს უცხო პირებმა დაურეკეს, რომ სხდომის ჩატარება გადაიდო.
ცესკო მოუწოდებს ყველას, მათ შორის, პოლიტიკურ პარტიებს, ნუ იმოქმედებენ საკუთარი ინტერესებიდან გამომდინარე და ხელი შეუწყონ ადმინისტრაციის საქმიანობას.
ცესკო-ს „ერთიან ნაციონალურ მოძრაობაში“ გამოეხმაურნენ.