დავით ხარშილაძის საქმეზე სასამართლომ გამამართლებელი განაჩენი გამოაცხადა. „ქრონიკა პლუსის“ რედაქტორის შვილს პროკურატურა ნარკოტიკილი საშუალების შეძენა-შენახვაში სდებდა ბრალას. ის მარტში დააკავეს და რამდენიმე თვეში გირაოს სანაცვლოდ გაათავისუფლეს.

დღესვე პროცესზე დავით ხარშილაძემ საბოლოო სიტყვა წარმოთქვა, დაკავება მან ელისო კილაძის საქმიანობას და პოლიტიკურ მოტივებს დაუკავშირა.

ხარშილაძემ განაცხადა, რომ ნარკოტიკული საშუალება სამართალდამცავებმა ჩაუდეს. დაცვის მხარე იმ სამართალდამცავების პასუხისგებას ითხოვს, რომლებიც ხარშილაძის დაკავების ოპერაციაში მონაწილეობდნენ.

პროკურატურა არ გამორიცხავს, რომ განაჩენის სამოტივაციო ნაწილის ჩაბარების შემდეგ ის სააპელაციოში გაასაჩივროს.