ახალი სასწავლო წელი ძველი წიგნებით. როგორც დედაქალაქში ისე რეგიონებში მშობლები საჯარო სკოლებში დარიგებული სახელმძღვანელოების ხარისხით უკმაყოფილო არიან.

პრობლემა ყველგან ერთნაირია. სხვადასხვა საგნის მეორეადი წიგნები თითქმის უვარგისია გამოყენებისთვის. დახეული გვერდები, შევსებული დავალებები და დახაზული ფურცლები.

მსგავსი სახელმძღვანელოები „მოამბემ“ ძირითადად დაწყებით კლასებში აღმოაჩინა.

ოფიციალური პასუხი ასეთია - ქვეყნის მასშტაბით, 2017-2018 სასწავლო წლისთვის წიგნების მხოლოდ 60% განახლდა.

პრობლემური სახელმძღვანელოები დარჩენილ 40 პროცენტშია. რატომ არ განახლდა წიგნების ეს ნაწილი - გვანცა გავაშელი დეტალებით.