გაეროს გენერალური ასამბლეის 72-ე სესიაზე დებატები განახლდა. დღეს 193 ქვეყნის წარმომადგენლეს სიტყვით 38 სახელმწიფოს ლიდერები მიმართავენ. დებატების დაწყებამდე დამსწრეებს მექსიკის საგარეო საქმეთა მინისტრმა მიმართა და ქვეყანაში მომხდარი მიწისძვრის შესახებ ისაუბრა.
მისი თქმით, მექსიკას ახლა ყველა სახელმწიფოს დახმარება სჭირდება. პირველი, ვინც დღეს გენერალური დებატების ფარგლებში ტრიბუნასთან გამოვიდა ფინეთის პრეზიდენტია.
დღესვე გაერო-ს გენერალურ ასამბლეაზე წარდგა აზერბაიჯანის პრეზიდენტი ილჰამ ალიევი და უკრაინის ლიდერი პეტრო პოროშენკო.
მსოფლიო მედიის ყურადღება კი ირანის პრეზიდენტისკენაა მიმართული, რომელიც დონალდ ტრამპის მიერ ირანის მიმართ გამოთქმულ კრიტიკას, უპასუხებს.
გაეროს გენერალურ ასამბლეაზე ევროკავშირის სახელით გამოვა ევროპული საბჭოს პრეზიდენტი დონლად ტუსკი.
გენერალური დებატები ნიუ-იორკში 25 სეტქმებრამდე გაგრძელდება. საქართველოს პრემიერ-მინისტრის სიტყვით გამოსვლა 21 სექტემებერსაა დაგეგმილი.