"სილიკონ ველი თბილისი" ოფიციალურად გაიხსნა. სამუშაო სივრცე საქართველოს პრეზიდენტმა გახსნა. გიორგი მარგველაშვილმა სიტყვით სტუდენტებს მიმართა.

ბიზნესისა და ტექნოლოგიების უნივერსიტეტის ხელმძღვანელობის ინფორმაციით, მულტინაციონალური მაღალტექნოლოგიური კორპორაციები საქართველოში უპრეცედენტო პროექტებს განახორციელებენ. ქართული ხელოვნური ინტელექტი, ვირტუალური და გაფართოებული რეალობა განათლებაში, ნივთების ინტერნეტი, მეგამონაცემთა ანალიტიკა და ვიზუალიზაცია, კიბერუსაფრთხოება, კოსმოსის ათვისების გლობალური პროგრამა - ეს ის პროექტებია, რომელსაც საქართველო მსოფლიოს უმსხვილეს ორგანიზაციებთან ერთად განახორციელებს. NASA, NATO, IBM, HP და სხვა მსოფლიოს საუკეთესო კომპანიები სილიკონ ველი თბილისთან თანამშრომლობას იწყებს.

ვირტუალური და გაფართოებული რეალობის საგანმანათლებლო სივრცე პრეზიდენტის ფონდის მხარდაჭერით იქმნება.